+12 °С
Ямғыр
Бөтә яңылыҡтар
Яңылыҡтар
3 Июнь 2020, 16:15
Быйыл Башҡортостанда лагерҙарҙың ваҡытынан алдараҡ асылыуы мөмкин
Республика хөкүмәтенең оператив кәңәшмәһендә йәйге балалар лагерҙарын асыу датаһы тураһында хәбәр иттеләр. Тулыраҡ – беҙҙең сайтта.
Республика хөкүмәтенең оператив кәңәшмәһендә йәйге балалар лагерҙарын асыу датаһы тураһында хәбәр иттеләр. Мәғариф һәм фән министры Айбулат Хажин әйтеүенсә, уларҙы, муниципалитеттарҙа эпидемия шарттарын күҙ уңына алып, этаптарға бүлеп асыу графигы булдырылған.
8 июндә шифаханаларҙа (шул иҫәптән балалар шифаханаларында), шифахана-һауыҡтырыу лагерҙарында – йәмғеһе 28 учреждениела һынау саралары үткәрелә башлай. Улар 15 июндән балаларҙы ҡабул итә башлай.
22 июндән ҡалған учреждениеларҙа – ҡаланан ситтә ятҡан, мәктәп эргәһендәге, хеҙмәт һәм ял лагерҙарында әҙерлек эштәре башлана. Улар июль айынан эшләй башлаясаҡ.
Республикала бөтәһе 200 мең самаһы бала йәйге ялын лагерҙарҙа үткәрәсәк.
Бөгөн Башҡортостанда балаларҙың ялын ойоштороу һәм һауыҡтырыу менән шөғөлләнгән ойошмалар реестрында 2157 учреждение иҫәпләнә.
“Беҙ лагерҙарҙы 13 июлдән асырға, тип күҙаллағайныҡ. Республикалағы хәл-торошҡа ҡарап, хәҙер беҙ улар 1 июлдән үк эшләй башлар, тип уйлайбыҙ. Әммә барыһы ла эпидемия шарттарына бәйле. Әгәр ҙә статистика ыңғай яҡҡа үҙгәрмәһә, лагерҙар асылмаясаҡ. 1 июль – планға ҡуйылған шартлы дата. Әгәр республика халҡы коронавирустан һаҡланыу ҡағиҙәләрен үтәһә, ысынлап та лагерҙарҙың да иртәрәк асылыуы бар” – тип өҫтәне төбәк башлығы Радий Хәбиров.
Фото авторы: Рәзил Бикбулатов. Әлшәй районындағы "Йәйләү" лагеры, 2019 йыл.
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05