Бер тәүлек эсендә йөҙҙән ашыу кешелә коронавирус тапҡандар

Бығаса республикала инфекция йоҡтороусылар һаны тәүлек эсендә йөҙгә барып етмәй ине. Статистика күрһәтеүенсә, Башҡортостанда аҙаҡҡы тәүлектә 107 кешелә был вирус раҫланған.

Әлеге ваҡытта республикала 2304 кеше коронавирус менән сирләй. Шуларҙың 995-е стационарҙа дауалана. Ҡалған 1309 кеше амбулатор шарттарҙа дауалана. Бының турала бөгөнгө бирфингта һаулыҡ һаҡлау министры Максим Забелин хәбәр итте.

Башҡортостанда 3608 COVID-19 осрағы теркәлгән, аҙаҡҡы тәүлектә генә 107 кешелә был вирус барлығы раҫланған.

1276 пациент һауығып, ҡәҙимге тормошҡа ҡайтҡан. Мәрхүм булыусылар, Аллаға шөкөр, юҡ.

Вирус ололарҙы аямай тиһәләр ҙә, сирлеләрҙең 39,6 проценты - 26 йәштән алып 50 йәшкә тиклемгеләр. Балаларҙы ла ул урап үтмәй - зарараланыусыларҙың 5,4 проценты - 17 йәшкә тиклемгеләр.

Читайте нас:

"Аманат"тың Телеграм-каналы

Рәхим итегеҙ!