Тәүлек эсендә республикала 64 кеше COVID19 вирусы инфекцияһын йоҡторған.
16 июнгә стопкоронавирус.рф порталында мәғлүмәттәр буйынса, Башҡортостанда 4611 коронавирус инфекциялы сирле иҫәпләнә. Тәүлек эсендә улар 64-кә артҡан.
Республикала 4 611 сирленең 1 940-ы һауыҡҡан. Һуңғы тәүлектә 66 кеше дауахананан сығарылған. Вафат булғандар һаны үҙгәрмәгән, улар – 18 кеше.
Һуңғы тәүлектә Рәсәй төбәктәрендә коронавирус йоҡтороуҙың 8 248 осрағы раҫланған, 193 кеше вафат булған. Бер тәүлектә илдә 9 767 кеше һауыҡҡан.
Дөйөм алғанда, бөгөн Рәсәйҙә 545458 сирле иҫәпләнә.