Йыл аҙағына тамамланырға тейеш

Быйыл ҡалала ете километрҙан ашыу юл ипкә килтереләсәк. Бөйөк Петр (Юғары вольтлы урамындағы 25-се йорттан Бөйөк Петр урамындағы 21-се йортҡа тиклем), Юғары вольтлы тыҡрыҡ, Көньяҡ-көнбайыш, Тургенев, Көйөргәҙе, Шоссе урамынан Соҡор урамына ҡәҙәр ингән урын, Архитектура, Йәшел, Пархоменко (Пархоменко урамындағы 58-се йорттан Шоссе урамына тиклем), Йылға аръяғындағы (бәләкәй күперҙән Тау урамындағы туҡталыш павильонына тиклем), Невский (Невский урамындағы 2-се йорттан ошо уҡ урамдағы 23-сө йортҡа тиклем), Брикет урамдарына, Вокзал урамынан Заслонов урамына тиклем, Ира ауылындағы Октябрҙең 70 йыллығы (Гараж урамынан Октябрҙең 70 йыллығы урамындағы 1-се йортҡа тиклем) урамдарына асфальт түшәләсәк.

"Эш әүҙем бара. Бынан тыш, быйыл ҡала округы биләмәһендә ҡомташ түшәү ҙә атҡарыласаҡ", – тип белдергән Күмертау ҡала хакимиәте башлығының төҙөлөш, торлаҡ-коммуналь хужалыҡ һәм инфраструктура буйынса урынбаҫары Дмитрий Гаврилов.

Быйыл ноябрь аҙағында тамамланырға тейешле был эштәр ил Президенты Владимир Путиндың май указдары нигеҙендә барлыҡҡа килгән “Хәүефһеҙ һәм сифатлы юлдар” милли проектына ярашлы тормошҡа ашырыла.

ВладимирПутин#национальныепроекты#нацпроекты

#региональныепроекты#регпроекты#нацпроектыБашкортостан

Фото: Күмертау ҡалаһы хакимиәте.

Автор: Айһылыу Низамова