Һыу ингәндә һаҡ бул!

Бөгөн нисә тапҡыр һыу индегеҙ? 10, 20 тапҡыр?...

Хәүефһеҙлек сараларын иҫегеҙҙә тотоғоҙ:

тик рөхсәт ителгән ерҙәрҙә генә һыу инергә мөмкин;

таныш булмаған урындарҙа сумырға ярамай ( һыу төбөндә батҡан бағаналар, таштар һәм башҡа нәмәләр ятыуы ихтимал);

тын тултырылған йөҙөү сараларында ярҙан алыҫ китмәгеҙ;

әгәр көслө ағымға эләкһәгеҙ, ағымға ҡаршы йөҙөргә маташмағыҙ. Был осраҡта ағым ыңғайына һәм әкренләп ярға ыңғайлап йөҙөргә кәрәк;

ауырып йәки хәлһеҙләнеп торғанда, тән температураһы күтәренке булғанда, киҫкен инфекцион сир менән ауырығанда һыу инергә ярамай.

Йәйҙең бөтөн рәхәтлеген татып, туйғансы һыу инегеҙ, сәләмәтлегегеҙҙе яҡшыртығыҙ, тик хәүефһеҙлек саралары тураһында ғына онотмағыҙ, балалар!

Читайте нас: