Тәүлек эсендә Башҡортостанда тағы 40 кеше коронавирус менән ауырып киткән

Башҡортостанда 22 июлгә 6 426 коронавирус инфекцияһы осрағы теркәлгән. Бер тәүлектә республикала сирлеләр һаны 40-ҡа артҡан, тип хәбәр ителә стопкоронавирус.рф сайтында.

6 426 сирленең 4 763-ө һауыҡҡан. Уларҙың 66-һы – һуңғы тәүлектә. Тәүлек эсендә Башҡортостанда коронавирус инфекцияһынан вафат булғандар теркәлмәгән һәм элеккесә 21 кеше тәшкил итә.

Пандемия башланғандан алып Рәсәйҙә бөтәһе 789,2 меңгә яҡын COVID-19 осрағы асыҡланған. Уларҙың 5,8 меңдән ашыуы — һуңғы тәүлектә.

Ошо ваҡыт эсендә 572 меңдән күберәк кеше һауыҡҡан, уларҙың 9,7 мең самаһы – уҙған тәүлектә.

12,7 меңдән ашыу кеше донъя ҡуйған. Уларҙың 165-е — һуңғы тәүлектә.

https://www.bashinform.ru/news/1475562-za-sutki-koronavirusom-v-bashkirii-zaboleli-eshche-40-chelovek/