Был хаҡта Башҡортостан башлығы хакимиәте етәксеһе урынбаҫары хәбәр итте. Ҡарар республикалағы эпидемиологик хәлгә бәйле ҡабул ителде.
— Беҙҙә көн һайын 50-гә яҡын сирле теркәлә. Ә алда - 1 сентябрь. Роспотребнадзор талаптарын үтәү өсөн беҙ өс, дүрт сменалы уҡыуға күсергә мәжбүр булабыҙ. Ләкин улай эшләргә теләмәҫ инек. Сентябргә сирлеләр һанын кәметеү өсөн бөтә көстө һалырға кәрәк, - тине Урал Килсенбаев.
Күрше төбәктә ике лагерҙы асҡандар, шунан унда коронавирус таралған, тип өҫтәне ул. Балалар лагеры обсерваторға әүерелгән – ата-әсәләрҙе индермәгәндәр һәм балаларҙы сығармағандар.
— Улар 14 көндө шулай үткәргән. Беҙ ундай хәлдә ҡалырға теләмәйбеҙ