-23 °С
Болотло
75 лет Победы
Бөтә яңылыҡтар
Яңылыҡтар
26 Август 2020, 14:04

"Алға" картаһы буйынса ла хаҡтар артамы?

Республика ҡалаларында йәмәғәт транспорты менән ҡулланыусылар һиҙгәндер: юл хаҡы һиҙелерлек артты. Республиканың Дәүләт идаралығын һанлы үҫтереү министрлығы сайтында ла "Алға" картаһы буйынса мәғлүмәт барлыҡҡа килде. Тулыраҡ - сайтта.

Республика ҡалаларында йәмәғәт транспорты менән ҡулланыусылар һиҙгәндер: юл хаҡы һиҙелерлек артты. Республиканың Дәүләт идаралығын һанлы үҫтереү министрлығы сайтында ла "Алға" картаһы буйынса мәғлүмәт барлыҡҡа килде.
"Алға" транспорт картаһын бер йыл элек "Һанлы иҡтисад" милли проекты сиктәрендә әйләнешкә индерҙеләр. Шул осорҙан алып 391 мең карта сығарылған, 320, меңе даими ҡулланыуҙа иҫәпләнә. Көндән-көн траснпорт картаһын һатып алыусылар һаны арта. Ни өсөн, тиһегеҙме? Сөнки автобустарҙа юл хаҡы артһа ла карта буйынса элеккесә хаҡ һаҡлана, йәғни көн дә бер нисә автобусҡа күсеп ултырып йөрөүселәр өсөн был һиҙелерлек экономия.
"Алға" картаһы 2163 һатыу нөктәһендә һатып алырға була: "Өө-матбуғат" киоскыһы, "Магнит", "Байрам", "Лукошко", "Йәрминкә", "Альдо", "Полушка", "Башспирт", "Планета" магазиндарында, "Башфармация" аптекаһында, "Рәсәй почтаһы", "Сбербанк" һәм "УралСиб" бүлексәләрендә.
Картаның хаҡы - 50 һум.
Өфөлә канат юлында ла юл хаҡын "Алға" картаһы менән түләргә була. Юл хаҡы - 35 һум. Шулай уҡ, "Алға" менән автобустарҙа, троллейбустарҙа, трамвайҙарҙа, дәүләт һәм шәхси маршруткаларында иҫәпләшергә була.
Әгәр ҙә картала аҡса бөтһә "Сбербанк-онлайн", "ВТБ-онлайн", "УралСиб"тың һәм "Тинькофф"тың интернет-банктары аша, тағы ла QIWI Банк һәм QIWI-кошелек аша уға аҡса һалырға була. Ҡулаҡсаны картаға "Рәсәй почтаһы" бүлексәләрендә, QIWI Банк терминалдарында, "УралСиб", "Сбербанк", "Газпромбанк" банкоматтары аша, "Связной" һәм "Мегафон" магазиндарында касса аша һалырға мөмкин.
Тулыраҡ мәғлүмәт өсөн телефон: 8-800-347-11-11.
#нацпроект #миллипроект #һанлыиҡтисад #аманат
Автор фотоһы.
Читайте нас в