+12 °С
Ямғыр
Бөтә яңылыҡтар
Яңылыҡтар
11 Сентябрь 2020, 11:25
Ауыл халҡы ГТО нормаһы тапшыра аласаҡ
Ошо изге маҡсатта ауылда заманса спорт майҙансығы асылды.
Башҡортостанда спорт менән шөғөлләнеү һәм сәләмәт тормош алып барыу өсөн саф һауалағы майҙансыҡтар һаны артҡандан-арта бара. Улар ҡалаларҙа һәм район үҙәктәрендә генә түгел, ауылдарҙа ла барлыҡҡа килә башланы. Яңыраҡ тышҡы тренажерҙар ҡуйылған воркаут-зона Дүртөйлө районының Семилетка ауылында асылды.
Проект Рәсәй Президенты Владимир Путиндың май указдары менән раҫланған “Демография” милли проектының “Спорт – тормош нормаһы” төбәк проекты сиктәрендә тормошҡа ашырыла. Был өй янында саф һауала уңайлы шарттарҙа физик культура һәм спорт менән шөғөлләнеү мөмкинлеге бирә. Бындай фитнес-залдарҙың хаҡы ике миллиондан ашыу һум тора. Һәр теләгән кеше уларҙа бушлай шөғөлләнә ала.
Стадион биләмәһе хәүефһеҙ резина япма менән ҡапланған. Уның өҫтөндә төрлө күнекмәләр өсөн снарядтар урынлаштырылған. Бында турниктар, теннис өҫтәле, баскетбол сеткаһы, ҡаяға үрмәләү стенаһы бар.
Спорт майҙансығы ғаиләләргә балалары менән ял итеү өсөн популяр урынға әйләнә бара. Дүртөйлө районы хакимиәте вәкилдәре был комплекста районда йәшәгән һәр кем ҡасан теләй - шунда шөғөлләнә ала, ти.
Ауыл халҡы ла бындай бүләккә бик ҡыуанған. Улар майҙансыҡта спорт менән шөғөлләнеп кенә ҡалмай, ГТО нормаларын тапшырыу мөмкинлеге лә алды. Шуға күрә был майҙансыҡ йәштәрҙә лә, өлкәндәрҙә лә ҙур ҡыҙыҡһыныу уята.
Район хакимиәтендә белдереүҙәренсә, оҙаҡламай Дүртөйлө ҡалаһының муниципаль тестар үткәреү үҙәгенә ГТО нормаһын тапшырыу өсөн күсмә мобиль ҡорамал киләсәк. Тимәк, бында үҙ көсөн райондың башҡа ауылдарында йәшәгән кешеләр ҙә һынап ҡарай аласаҡ.
#национальныепроекты#нацпроекты#региональныепроекты#регпроекты #нацпроектыБашкортостан
Фото: Дүртөйлө районы хакимиәте.
Автор: Альфия Мингалиева
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05