Ял көндәре баҡсала эшләп буламы?

Алдағы өс көндә Башҡортостанда һауа торошо әллә ни үҙгәрмәй, тип белдерҙе республика синоптиктары.

Башгидромет мәғлүмәттәре буйынса, йома аяҙлы-болотло була. Көндөҙ урыны менән ҡыҫҡа ваҡытлы ямғыр яуа. Ел көньяҡ-көнбайыштан секундына 5-10 метр, көндөҙ урыны менән секундына 18 метрға тиклем.

Һауа температураһы көндөҙ — 13-18, көньяҡта 23 градусҡаса йылы.

Шәмбе урыны менән ҡыҫҡа ваҡытлы ямғыр яуыуы көтөлә. Ел көньяҡ-көнбайыштан, төньяҡ-көнбайыштан талғын.

Һауа температураһы төндә — 4-9, көндөҙ 15-20 градус йылы.

Йәкшәмбе Башҡортостанда башлыса яуым-төшөмһөҙ. Ел төньяҡ-көнбайыштан, көнбайыштан талғын.

Һауа температураһы төндә — 3-8, көндөҙ 16-21 градус.

фото: Аиша Минһажева, Туймазы районы Серафим ауылы.

https://www.bashinform.ru/news/1491593-kakoy-budet-pogoda-v-bashkirii-na-vykhodnye-prognoz-/