Бөтә яңылыҡтар
Яңылыҡтар
25 Сентябрь 2020, 17:11

Рәсәй президенты Нобель премияһына дәғүә итә

Йыл һайын донъя үҫешенә ҙур өлөш индергән шәхестәргә Нобель премияһы тапшырыла. Киләһе йылға был исемлеккә Владимир Путин да индерелгән. Уны кем тәҡдим итте икән?

Йыл һайын донъя үҫешенә ҙур өлөш индергән шәхестәргә Нобель премияһы тапшырыла. 2021 йылға был лайыҡлы премияға тәҡдим ителеүселәр араһында Рәсәй Президенты Владимир Путин да бар. Ил етәксеһен яҙыусы, "Президент" гәзитенең баш мөхәррире, академик Сергей Комков күрһәткән.
Президенттың матбуғат сәркәтибе Дмитрий Песков аңлатыуынса, был премияға төрлө кешеләр тәҡдим ителә. Президентты премияға тәҡдим итеү ғаризаһы Осло ҡалаһындағы Нобель комитетына 10 сентябрҙә килгән. Сергей Комков әйтеүенсә, тап ошонан һуң Америка яғынан АҠШ Президенты Дональд Трамп тәҡдим ителгән.
Әлеге донъя премияһы – XIX быуат аҙағында швед сәнәғәтсеһе һәм уйлап табыусыһы Альфред Нобель ҡалдырған бишәүҙең береһе. Уны донъяны нығытыуға тос өлөш индергән кешегә йәки ойошмаға тапшыралар.
Читайте нас в