+4 °С
Ясна
Бөтә яңылыҡтар
Яңылыҡтар
20 Октябрь 2020, 15:05

Тасуири уҡығандарҙы "Артек" көтә

"Тере классика" 9-сы Халыҡ-ара йәш тасуири уҡыусылар конкурсына заявкалар ҡабул ителә. Тулыраҡ - сайтта.

"Тере классика" 9-сы Халыҡ-ара йәш тасуири уҡыусылар конкурсы 1 октябрҙә башланғайны. Был сара илдәге иң күләмле әҙәби проект иҫәпләнә. Унда йыл һайын Рәсәйҙең 85 төбәгенән 2,5 миллион бала ҡатнаша.
Проект Рәсәй Федерацияһы Президентының граждандар йәмғиәтен үҫтереүгә йүнәлтелгән грантына тормошҡа ашырыла һәм Рәсәй Мәғариф министрлығы тарафынан бөтөн төбәктәрҙә лә уҙғарыла.
"Тере классика" балалар һәм үҫмерҙәр араһында тасуири уҡыуҙы популлярлаштырыу маҡсатында ойошторола. Ул үҙенә күрә социаль лифт ролен дә үтәй: мәҫәлән, Рәсәйҙең иң төпкөл төбәктәрендә йәшәүсе балалар, ошо конкурста ҡатнашып, федераль кимәлдә үҙҙәрен күрһәтә ала, иң-иңдәре "Артек"ҡа юллама аласаҡ, Ҡыҙыл Майҙанда тамашысылар һәм яҙыусылар, билдәле актерҙар, сәнғәт әһелдәре алдында сығыш яһаясаҡ. Конкурста ҡатнашыусылар радиола, әҙәби кисәләрҙә, ҡала байрамдарында сығыш яһау бәхетенә эйә булмаҡсы.

Читайте нас: