"Рәсәй тәрбиәселәре" конкурсына кемдәр үткән?

Бөтә Рәсәй кимәлендә уҙғарылған конкурстың төбәк этабы тамам. Унда республиканың 38 район һәм ҡалаларынан 94 педагог ҡатнашҡайны.

Еңеүселәр 6 номинация буйынса билдәләнде. "Иң яҡшы тәрбиәсе" исеменә Мәләүез районының "Малышок" 12-се балалар баҡсаһы тәрбиәсеһе Юлиә Мусина лайыҡ булһа, "Йәш һөнәрмән" номинацияһында беренселекте Өфө районының Нижегородка ауылына ҡараған "Әкиәт" 17-се балалар баҡсаһы тәрбиәсеһе Ирина Шәмсетдинова менән Өфө ҡалаһының 209-сы балалар баҡсаһы тәрбиәсеһе Светлана Протопопова яуланы. "Һөнәргә тоғролоҡ"та - Стәрлетамаҡ ҡалаһының 36-сы балалар баҡсаһынан Наталья Меренкова менән Өфө ҡалаһының 161-се балалар баҡсаһы тәрбиәсеһе Альбина Панова, "Иң яҡшы һөнәр эйәһе"ндә - Өфө ҡалаһының 251-се балалар баҡсаһы тәрбиәсеһе Елена Марковникова, "Инклюзив белем биреүҙә иң яҡшы тәрбиәсе-профессионал"да - Туймазы ҡалаһының 14-се махсус балалар баҡсаһы тәрбиәсеһе Альбина Чудина беренсе урын алды. "Эффектив етәксе" номинацияһында Октябрьский ҡалаһының "Йондоҙсоҡ" 2-се балалар баҡсаһы етәксеһе Анжелика Зәйҙуллина менән Стәрлетамаҡ ҡалаһының 21-се балалар баҡсаһы етәксеһе Марина Сәлимова еңеүсе булып танылды.

Еңеүселәрҙең эштәре 8-се "Рәсәй тәрбиәселәре" Бөтә Рәсәй конкурсына ебәрелә. Ул 1-30 ноябрҙә онлайн форматта уҙғарыла.

Конкурстың еңеүселәренең тулы исемлеген https://education.bashkortostan.ru/presscenter/news/315474/ һылтанмаһы аша инеп, ҡарарға мөмкин.