"Айыҡ ауыл-2020" конкурсы финалсылары билдәле

Бына конкурс тамамланыуға бара, финалға сыҡҡан 12 ауылдың исеме лә билдәле. Ғәҙел баһалар өсөн уларҙы төркөмдәргә бүлгәндәр. Шулай итеп, кемдәр төп бүләктәр, йәғни 5, 3, 2 миллион һумлыҡ сертификаттар өсөн ярыша һуң? Эре ауылдар араһында: Тәтешле районының Шулған; Өфө районының Шамонин; Учалы районының Илсе ауылдары. Ҙур ауылдар араһында: Әбйәлил районының Таштимер; Бөрөнөң Баҡтыбай; Күгәрсен районының Исем ауылдары. Уртаса ауылдар араһында: Бөрйәндең Берәтәк; Ҡыйғы районының Иҫке Мөхәмәт; Стәрлетамаҡ районының Күсәрбай ауылдары. Бәләкәй ауылдар араһында: Баймаҡ районының Түбәнге Яйыҡбай; Благовар районының Үрге Ҡарғалы; Көйөргәҙе районының Яҡут ауылдары.

Финалсылар өсөн ошонда кереп тауыш бирә алаһығыҙ: https://golos.bashkortostan.ru/polls/224/ . Тауыш биреү 20 мартҡа тиклем дауам итәсәк.