-5 °С
Болотло
Бөтә яңылыҡтар
Яңылыҡтар
28 Май 2021, 09:47
Башҡортостанда 9-сы синыфты тамамлаусы уҡыусылар төп дәүләт имтиханын тапшырҙы
Экзамендар уҙған йылдағы кеүек рус теле һәм математиканан ҡабул ителә. Өфөлә дәүләт имтиханын тапшырыу өсөн мәғариф учреждениеларында 46 пункт ойошторолдо. Һынауҙарҙы асыҡ һәм ғәҙел үткәреү өсөн видеокүҙәтеү алып барыла.
Төп дәүләт имтиханын тапшырыусы үҫмерҙәрҙең йөҙҙәрендә тулҡынланыу хистәрен уҡырға була. Оҙайлы әҙерлек, дәрестәр, баш ватҡыс мәсьәләләр артта ҡалған һәм ниһәйәт улар төп һынауҙарҙың береһен тапшырырға йыйылды. Ғәҙәттәгесә, тырышып уҡыған уҡыусылар артыҡ борсолоп бармай, сөнки улар үҙ көсөнә һәм белеменә ышана.
Математика буйынса дәүләт имтиханы 3 сәғәт 55 минут дауам итте. Аудиторияға ингәнсе һынау тотоусылар етди тикшереү үтте. Кеҫә телефондары, асҡыстарҙы һәм башҡа әйберҙәрҙе ваҡытлыса коридорҙа ҡалдырыу шарт.
Быйылғы уҡыу йылында туғыҙынсы синыф уҡыусылары математика һәм рус теленән мотлаҡ имтихан тапшыра. Пандемия менән бәйле һайлап алынған фәндәр буйынса һынауҙар ҡыҫҡартылған формала үткәрелә. Һынауҙар мәктәптә еңелләштерелгән контроль эш булараҡ үткәрелә.
Мәктәптә йомғаҡлау аттестацияһы төп имтихандар һөҙөмтәләренә ярашлы тапшырыла. Шуға ла бөтә уҡыусылар ҙа экзамендарҙы яҡшы билдәләргә тапшырырға тырыша. Һынауҙар тамаланғас үҫмерҙәр алдағы яҙмышын хәл итә. Белем алыуҙы мәктәптә унынсы синыфта дауам итергә йәки колледжда һөнәр үҙләштерергә мөмкин.
Новости партнеров