Республикала виртуаль “Алға” картаһы барлыҡҡа килде!

“Apple (iOS) һәм Android платформаһы өсөн әҙерләнгән транспорт картаһы илдә тәүге һәм берҙән-бер тәжрибә”. Башҡортостан Башлығы Радий Хәбиров социаль селтәрҙәге шәхси сәхифәһендә шулай тип яҙа. Хәҙер картаны ҡулланыу еңеләйә. Уны һатып алырға кәрәкмәй, мобиль ҡушымта аша файҙаланырға була. “Android платформаһында ул тулыһынса ғәмәлдә, Apple iOS-та һынау үтә, киләһе аҙнанан ҡуллана башларға мөмкин”, - тигән Радий Хәбиров. “Алға” транспорт картаһы 2019 йылдың июнендә булдырылды. Уның менән 500 меңдән ашыу кеше файҙалана.