"Минең тоғро дуҫым" фотоконкурсына

Белорет районының Аҙнағол ауылынан Зәлиә Яҡупова Муйнаҡ исемле яратҡан эте менән.Муйнаҡ исемле эткә "бәхетле билет" эләкте! Беҙ уны туҡмалған, хәлһеҙ, үлемесле ябыҡ һәм имәнес хәлдә табып алдыҡ. Өйгә алып ҡайтып тәрбиәләнек, ашаттыҡ, йыуындырҙыҡ, оя эшләнек. Табылдығыбыҙ бик тә аҡыллы, тоғро, тыныс, һөйкөмлө дуҫ булып сыҡты. Беҙ уны бик тә яратабыҙ, ҡайҙа барһаҡ та артыбыҙҙан ғына эйәреп йөрөй. Ул беҙҙе шулай һаҡлай!