Үзбәкстанда - һабантуй

Һабантуйҙар республикабыҙҙың район-ҡалаларын ғына гөрләтеп ҡалманы, матур байрам Үзбәкстанда ла гөрләп үткән.Мәғлүм булыуынса, был ҡояшлы республикала бихисап яҡташтарыбыҙ, милләттәштәребеҙ йәшәй. Уларҙы һәм Үзбәкстанда йәшәгәндәрҙе байрам менән ҡотларға Башҡортостандан Бөтә донъя башҡорттары ҡоролтайы Башҡарма комитеты ағзаһы, "Арғымаҡ" төркөмө етәксеһе Ринат Рамазанов та барған. Йырсы Үзбәкстан халҡына Башҡортостан Башлығы Радий Хәбировтан ҡотлау сәләмен еткергән, әүҙем милләттәштәребеҙгә ҡоролтайҙан бүләктәр тапшырған, дәртле йырҙары менән тамашасыларҙы шатландырған.