Рәсәй спортсылары юниорҙар араһында ирекле көрәш буйынса Донъя чемпионатының финалына сыҡты

Рәсәй спортсылары Анастасия Сидельникова һәм Елизавета Петлякова Өфөлә барған юниорҙар араһында ирекле көрәш буйынса Донъя чемпионатының финалына сыҡты.

Анастасия Сидельникова 59 килограмға тиклемге ауырлыҡ категорияһында финалда Белоруссиянан Арина Мартынова менән осраша, ә Елизавета Петлякова 68 килограмға тиклемге категорияла АҠШ вәкиле Амит Элор менән беренсе урын өсөн көрәшә.

«Өфө-Арена»ла финал алышы 19 августа урындағы ваҡыт буйынса киске сәғәт 6-нан һуң була.