Башҡортостандың халыҡ шағиры Ҡәҙим Аралбай үҙенең 80 йәшен билдәләй.!!!

Башҡортостандың халыҡ шағиры, Башҡорт АССР-ының атҡаҙанған мәҙәниәт хеҙмәткәре, БР-ҙың Салауат Юлаев исемендәге дәүләт премияһы һәм әҙәби премиялар лауреаты, Салауат Юлаев ордены кавалеры Ҡәҙим Әбделғәлим улы Аралбаев 1941 йылдың 1 сентябрендә тыуған.

Уйлан, әсә, уйлан, ата, уйлан, бала,-
Күңелдәрҙән әҙәп, иман юйылғанда,
Холоҡһоҙлоҡ шайтан һымаҡ шашынғанда,
Кеше бөгөн шул хәлендә ҡайҙа бара?

Уйлан, әсә, уйлан, ата, уйлан, бала,-
Изге тарих, ыҙан-йола онотола,
Атай-олатай һөйәктәре, төйәктәре
Таралғанда йөрәктәргә нәфрәт тула...

Уйлан, әсә, уйлан, ата, уйлан, бала,-
Туған телең - осҡор уҡтай, татлы балдай,
Яҙмышҡайы киләсәктә кем ҡулына
Тороп ҡала - бөгөн ҡаты уйға һала...
Уйлан, бала!..