-19 °С
Болотло
Бөтә яңылыҡтар
Яңылыҡтар
20 Октябрь 2021, 12:05
Көлөү һәм холоҡ
Ысын күңелдән көлөүсе кеше тирә-яғындағыларҙы һоҡландыра. Ләкин донъяла тәбиғи көлөү менән бергә яһалма көлөү ҙә була икән. Уны нисек айырырға? Немец психологы Палдис әйтеүенсә, яһалма һәм тәбиғи көлөүҙе күҙҙән белеп була. Уныңса, ысын күңелдән көлгәндә бит мускулдары һуҙыла, ә күҙҙәр ҡыҫыла. Әммә бындай көлөүҙе актерҙар, сәйәсмәндәр һәм фотомоделдәр ысынға оҡшатып “яһай” ала. Биттең ике яртыһы бер үк көлөргә, йәғни биттең сырайы бер төрлө булырға тейеш. Бөтә сер шунда: уң бит менән аҡыл етәкселек итһә, һул бит аңға бәйле. Тимәк, кешенең һул бите көлмәһә, ул яһалма көлә. Кеше көнөнә бер нисә тапҡыр ысын күңелдән көлһә, уның һаулығы яҡшыра. Көлгән ваҡытта мейегә кислород йөрөтөүсе мускулдарҙың 80 проценты хәрәкәткә килә. Америка психологы доктор Пол Экман, 25 йыл ғүмерен ошо мәсьәләне тикшереүгә арнап, шуны иҫбатлаған: көлөү йөрәкте нығыта, баҫымды һәм стресты төшөрөргә ярҙам итә. Ә кем стресҡа бирелмәй, шул ҙур уңыштарға өлгәшә. Әйткәндәй, йыш йылмайған уҡытыусылар ышаныс уята һәм белем алыуға булышлыҡ итә икән.
Көлөү һәм холоҡ
Көлөү һәм холоҡ
(Тест)
Көлгәндә ирендәреңә ҡулыңды тейҙерәһең...
Һиңә иғтибар үҙәгендә булыу оҡшай. Һинең һомғол буйлы, нәфис булып күренгең килә, тәрбиәле икәнеңде төрлөсә күрһәтергә тырышаһың.
Көлгәндә ҡул менән ауыҙыңды ҡаплайһың...
Һин үҙ-үҙеңә бик ышанып етмәйһең. Кемдеңдер артына ышыҡланып, үҙеңде уңайһыҙ тотаһың.
Башыңды артҡа ташлап көлһәң...
Һин киң күңелле, ышаныусан натура. Йыш ҡына хис-тойғоларға бирелеп эш итәһең. Ләкин аҡыл тураһында ла оноторға ярамай.
Көлгәндә ҡулың менән башыңа йәки битеңә ҡағылһаң...
Һин хыялға һәм фантазияға бирелергә яратаһың. Был һәйбәт, әммә һөҙөмтәһеҙ һыҙат. Күберәк аҡыл айыҡлығы теләйбеҙ, шунда ғына хыялдар ысынбарлыҡҡа ашыр.
Көлгәндә танауың йыйырылһа...
Һинең эмоциональ үҙгәреүсән, хатта мыжыҡ холоҡло булыуың яҡындарыңа күп ҡыйынлыҡтар тыуҙыра.
Ауыҙыңды асып ҡысҡырып көлһәң...
Һин бик дәртле, теремек кеше. Әммә тыйнаҡлыҡ һис ҡамасауламаҫ ине. Һөйләргә яратҡас – тыңлай ҙа белергшә кәрәк.
Аҡрын ғына көлөр алдынан башыңды эйһәң...
Һин итәғәтле, намыҫлы, күндәм кеше. Берәүҙең дә кәйефен боҙмайһың, тимәк, бөтә нәмә контроль аҫтында.
Көлгәндә күҙҙәрең ҡыҫылһа...
Һин үҙ-үҙеңә ышанаһың. Ҡайһы саҡ бик тырыш һәм ныҡыш булаһың.
Һәр саҡ төрлөсә көләһең...
Һин индивидуалист, йыш ҡына сит кешеләрҙең фекерен иҫәпкә алмайһың. Ләкин шуны күҙ уңында тоторға кәрәк – был яҡын-тирәләге кешеләрҙең йәнен көйҙөрөүсе сифат.
Новости партнеров