Баймаҡ агросәнәғәт колледжында кадеттар төркөмө асылды

Бөгөн Баймаҡ агросәнәғәт колледжында бер төркөм егеттәр тантаналы шарттарҙа, ант биреп, кадет исемен алды, тип хәбәр итә "Һаҡмар" гәзите. 

Кадеттар төркөмөн асыу хаҡындағы бойороҡто колледж директоры Илдус Әдиф улы Зәйнуллин уҡып ишеттерҙе. Тырыш егеттәр хәрби булыу серҙәрен шартына ярашлы өйрәнәсәк. 

Был тантаналы сарала Баймаҡ районы Башлығы Фәнис Әминев һәм төбәктең хәрби комиссары Хөрмәт Хәмитовтың ҡатнашыуы мәртәбәлек өҫтәне.

фото: "Һаҡмар" гәзите