“Булманы башҡорт ҡайҙарҙа, Ат эсерҙек яҙғы айҙа, Висла, Одер, Дунай тигән Алыҫ ярҙарҙа!”

2022 йылда "Аманат" журналының "Бәйләнештә" сайтындағы төркөмөндә 23 февраль – Ватанды һаҡлаусы көнө уңайынан конкурс иғлан иткән инек. Ҡатнашыу өсөн хәрби-патриотик темаға шиғыр, хикәйә, әкиәт ижад итеп, йәки мәҡәлә яҙып, #Мин_Ватанды_һаҡлаусы хештегы аҫтында үҙегеҙҙең диуарығыҙҙа урынлаштырырға кәрәк ине. Конкурсҡа килгән эштәрҙең иң яҡшы тип табылғандары, әҙәби талаптарға һәм конкурс шарттарына тап килгәндәре журнал биттәрендә, https://amanat.su сайтында, https://vk.com/amanatrb   бәйләнештә һәм https://ok.ru/bashamanat  синыфташтар селтәрҙәрендә донъя күрәсәк. Ә инде иң-иңдәре тип табылғандарына Рәхмәт кәлимәһе тапшырыла.  Шулай итеп беҙҙең еңеүселәребеҙ: Йылайыр районының Юлдыбай мәктәбе уҡыусыһы Нәғим Нәҙерғолов, Нияз Мәжитов исемендәге Красноусол башҡорт гимназия-интернатының 8 "а" синыф уҡыусыһы Айназ Мәхийәнов, Туймазы районының Серафим 3-сө һанлы урта мәктәбе уҡыусыһы Разалия Кирилова. Ҡотлайбыҙ һеҙҙе!

“Булманы башҡорт ҡайҙарҙа, Ат эсерҙек яҙғы айҙа, Висла, Одер, Дунай тигән Алыҫ ярҙарҙа!”