Сүп-сар, бигерәк тә тормошта файҙаланырға тура килгән батарейкалар тирә-яҡ мөхиткә ҡурҡыныс янай. Шуға күрә лә дуҫтарым,көн һайын осраған ҡалдыҡтарҙың һәр төрө менән дөрөҫ эш итә белергә өйрәнергә кәрәк һеҙгә.

Ябай ғына күренгән батареяларҙы башҡа ҡалдыҡтар менән бергә түгел, ә айырым йыйып барырға кәрәк.  Бына Өфө урамдарында ла махсус контейнерҙар ултыртылған. Быйыл 1 тонна 300 киллограм батарея, үткән йыл 3 тонна хәүефле ҡалдыҡ йыйылған икән.

Сүп-сарҙы уйланмайынса ташлау дөрөҫ түгел. Ҡалдыҡтарҙы сорттарға бүлеп утилләштерергә тырышығыҙ. Батарейкаларҙа быстратыусы матдәләр, шул иҫәптән консерогендар күп. Шуға күрә батареяларҙы айырым йыйып барыу кәрәк.

Һәр кем был эшкә етди һәм яуаплы ҡараһа тирә яғыбыҙҙа, дөйөм өйөбөҙҙә, йортобоҙ таҙа булһа, күңелдәребеҙ ҙә сафланыр, яҡтырыр, йәшәүе лә күңеллерәк булыр.

Әйткәндәй, ташланған бер батарейка 20 квадрат метр майҙан ерҙе ауыр металдар менән зарарлай. Ошо хаҡта онотмағыҙ, дуҫтар!

Беҙҙең бурысыбыҙ – ошо тәбиғәт байлыҡтарын, тыуған яғыбыҙҙың матурлығын һаҡлауға барлыҡ көсөбөҙҙө һалыу, тыуған еребеҙгә оло хөрмәт менән ҡарау.Ҡоштарға осор өсөн – ҡанат, үләндәргә үҫер өсөн – тупраҡ, балыҡтарға йөҙөр өсөн – һыу, ә кешегә йәшәр өсөн үҙ тыуған иле кәрәк.Ғәзиз төйәгебеҙ булған Башҡортостаныбыҙ биҙәктәрен киләсәк быуынға күҙ ҡараһылай һаҡлап, тапшырайыҡ. Мин бәхетлемен икән был ерҙә, киләсәк быуындарыбыҙ ҙа шулай уҡ бәхетле булыр, тип ышанам.

                                                                       Сәлимә ҠАРАНАЕВА әҙерләне.