2022 йылда 4 853 ун беренсе класс уҡыусыһы өсөн һуңғы ҡыңғырау яңғырай. Баш ҡалала байрам 25 майҙа «Торатау» конгресс-холы майҙансығында ойошторола. Өфө хакимиәте башлығы урынбаҫары Гөлләриә Ялсыҡаева хәбәр итеүенсә, сығарылыш уҡыусылары вальс башҡарып, бейеү флешмобында ҡатнаша, уҡытыусылар күмәкләп хор менән йырлай, ә ата-әсәләр үҙенсәлекле ҡотлау менән сығыш яһай.