“Музей төнө” яңы экспозициялар, ҡыҙыҡлы квестар, балалар өсөн уйын программалары, тематик, куратор экскурсиялар, халыҡ оҫталарының күргәҙмә-йәрминкәләре һәм оҫталыҡ дәрестәре, концерт программалары менән ҡыҙыҡлы булды.
Акцияла төбәктең 100-ҙән ашыу музейы һәм мәҙәниәт учреждениелары ҡатнашты, улар араһында дәүләт һәм муниципаль, мәҙәни-ял итеү учреждениелары, корпоратив һәм шәхси музейҙар бар, шул иҫәптән Почта музейы, “Интеллектус” мауыҡтырғыс фәндәр йорто, “Рәсәй – минең тарихым” тарихи паркы, “Болоттар” заманса сәнғәт үҙәге, Өфө художество галереяһы, “Мираҫ“, “X-MAX” галереялары һәм башҡалар ҡатнашты.