Көләмәстәр

– Улыма витамин бирегеҙсе!

– Ниндәйе кәрәк: “А”, “Б”, “С”?..

– Ниндәйе лә ярай, сөнки улым хәреф танымай әле...

***

– Атай, консерватор кем ул? – тип һорай икән Ғәли исемле малай.

– Консерва яратыусы кеше.

– Консерватория нимә була?

– Консерва эшләп сығарыу фабрикаһы.

***

Әсәһе ҡыҙын йоҡонан уята:

– Тор инде, төш етте!

Ҡыҙы:

– Ошо ваҡытҡа тиклем йоҡлатҡанһығыҙ! Иртәрәк уятһағыҙ булмаймы ни? Хәҙер инде тораһы ла килмәй... – тип яуап ҡайтара.

***

Аяҡтарын өҫкә күтәреп, тәҙрә төбөндә себен ята. Эргәһенән үтеп барған үрмәксе ҡыҙыҡһына:

– Аэробикамы?

– Юҡ, дихлофос!

***

– Их һин, сусҡа, кейемеңде бысратып ҡайтҡанһың бит.

Беләһеңме, сусҡа балаһы кем ул? – ти икән әсәһе малайына.

– Беләм, әсәй, сусҡа улы...

***