Башҡортостанда 2024 йылға тиклем 12 полилингваль гимназия төҙөләсәк!

“Хәҙер ҙә башҡорт телендә һөйләшкәндә ҡәнәғәтлек кисерәм. Халыҡ менән туған телдә аралашһаң, уларға ихтирам күрһәтәһең. Был минең өсөн бик мөһим” – тип билдәләне Радий Фәрит улы.

Уның фекеренсә, телдәрҙе тәрән өйрәнеүгә иҫәпләнгән полилингваль гимназиялар төҙөү – милли  сәйәсәттең мөһим күрһәткесе.

Быға тиклем республикала өс башҡорт , бер татар полилингваль гимназияһы төҙөлдө. Артабан шулай уҡ сыуаш, мари полилингваль гимназиялары төҙөләсәк. Ғөмүмән, 2024 йылға тиклем Башҡортостанда 12 полилингваль гимназия  асыу планлаштырыла. Шул иҫәптән, Хәйбулла районы үҙәге Аҡъярҙа асыласаҡ.