Мандариндарҙан хуш еҫле ҡайнатма

Ингредиенттар: 1 кг мандарин, 1 кг эре әфлисун, 1 кг шәкәр ҡомо, 1 стакан һыу, 2 сәй ҡалағы төйөлгән имбирь, 1 ҡап ванилин.

Эш барышы:
1. Мандариндарҙы һәм әфлисунды ҡабыҡтарынан таҙартығыҙ һәм айырым өлөштәргә бүлегеҙ.
2. Был массаны кәстрүлгә һалығыҙ һәм өҫтөнә бер стакан һыу һалығыҙ.
3. 8 сәғәттән һуң уны әкрен утҡа ҡуйығыҙ һәм имбирь өҫтәгеҙ.
4. Ҡайнап сыҡҡас, ҡатнашманы болғата-болғата тағын сәғәт ярым ҡайнатырға кәрәк.
5. Ҡайнатмаға ванилин һәм шәкәр ҡомо өҫтәгеҙ. Тағын сәғәт ярым ҡайнатығыҙ.
6. Ҡайнатманы стерилләштерелгән банкаларға һалығыҙ һәм ҡапҡастар менән ҡаплап ҡуйығыҙ.

Аштарығыҙ тәмле булһын!