+20 °С
Облачно
Яңылыҡтар
15 Сентября 2022, 04:21
«Йәйге шайморатовсылар уйындары» еңеүсеһе билдәле булды
«Йәйге шайморатовсылар уйындары»нда Күмертау ҡалаһы 10-сы урта мәктәбенең «шайморатовсылар класы» командаһы еңеү яуланы. Иң етеҙ 20 команда иҫәбендә Архангел, Белорет, Благовар, Йылайыр, Илеш, Ҡалтасы, Кушнаренко, Стәрлебаш, Тәтешле, Нуриман, Өфө райондары һәм Межгорье, Салауат, Стәрлетамаҡ, Өфө ҡалаларының «шайморатовсылар класы» ла бар.
«Йәйге шайморатовсылар уйындары» еңеүсеһе билдәле булды
2022-2023 уҡыу йылында Башҡортостан Республикаһының дөйөм белем биреү ойошмаларында 79 «шайморатовсылар» класы асылған. 2022 йылдың 13 сентябрендә «Авангард» хәрби-патриотик тәрбиә биреү үҙәгендә Рәсәй Геройы Миңлеғәле Шайморатов исемендәге күсмә кубокка «Йәйге шайморатовсылар уйындары» уҙғарылды.
Еңеүселәр Республика көнөндә Өфөлә Рәсәй Геройы, генерал-майор Миңлеғәле Шайморатовҡа һәйкәл асыу һәм «шайморатовсылар» сафына алыу тантанаһында ҡатнаша.
