Сәк-сәк

Юғары сортлы он, йомортҡанан ғына туҡмас ҡамырынан йомшағыраҡ ҡамыр баҫып, йәйәбеҙ ҙә буйға ҡырҡып сығып, һалма рәүешендә ҡырҡабыҙ һәм ҡайнап сығып өлгөрмәгән көнбағыш майына һалып, бешеп сыҡҡансы болғатабыҙ. Бешкәс, тишекле сүмескә алабыҙ(майы һарҡһын өсөн), 2,3 тапҡыр бешергәс, майҙы түгеп, алыштырабыҙ. Юғиһә ныҡ май һеңә һәм күперә. Бешкән ризыҡты бал менән шәкәр иретеп, болғатып, тәрилкәгә өйәбеҙ.
Тәмле лә, расходлы ла ризығыбыҙ әҙер.
Өҫтәлдәрегеҙ ризыҡ менән тулы, табындарығыҙ мул, һаулығығыҙ шәп, рухтарығыҙ бай, иманығыҙ ныҡ булһын, дуҫтар!