Өфөлә эвакуация үткәрелгән хореография колледжы студенттары урамда бейегән

Дүшәмбе көндө баш ҡаланың бер нисә уҡыу йорттарында миналау тураһындағы хәбәр ҡабул иткәндән һуң уҡыусылар тышҡа сығарылған. Рудольф Нуриев исемендәге Башҡорт хореография колледжының тәрбиәләнеүселәре аптырап тормаған, урамда бейей башлаған.

- Был егет-ҡыҙҙарҙың инициативаһы булды. Конгресс-холға автобуста ташыуҙы ойошторғансы, халыҡ-сәхнә бүлегенең өсөнсө курс студенттары йылыныу өсөн музыка тоҡандырып башҡортса бейей башлаған, - тип хәбәр итте «Башинформ»ға колледж директоры Илдар Манапов. 

Бейүеселәр янында кешеләр йыйылған. Тамаша бөткәс барыһы ла “Браво!” тип ҡысҡырған.

https://www.bashinform.ru/news/culture/2022-10-17/v-ufe-evakuirovannye-uchaschiesya-horeograficheskogo-kolledzha-stantsevali-na-ulitse-2992322

 Автор:Ләйлә Аралбаева