«Тамыр» телеканалы үзенең махсус приздарын тапшырған

Зәйнәб Биишева исемендәге 140-сы Башҡорт гимназияһында «Зәйнәб Биишеваның тормошо һәм ижады» X Республика ижади проекттар конкурсы үтте. Күп көс һалынған был сараға. Төптән уйлап, ентекле итеп әҙерләнгән.

Төрлө райондарҙан конкурста ҡатнашҡан балаларға, уларҙы әҙерләүсе уҡытыусыларға, гимназия директоры Фәнил Нил улы Бүләковҡа рәхмәт һүҙҙәрен еткерге килә. Туған телебеҙҙә уйлаған, матур итеп аралашҡан, ижады тураһында төплө фекерҙәр йөрөткән, әҫәрҙәренә таянып ғилми эштәр башҡарған ҡыҙҙар - малайҙарға ҡарап Зәйнәб Биишеваның рухы шат булғандыр.

Бөгөнгө матур сараға «Тамыр» телеканалы үзенең махсус приздарын әҙерлане. Телеканалыбыҙ исеменән бүләктәрҙе мөхәррир, жюри ағзаһы Гөлназ Ишемғолова тапшырҙы.

«Ир-егеттәр иле - халҡы өсөн азат уйҙар менән баш һала» тигән номинацияла «Дуҫ булайыҡ» әҫәрендә сағылдырылған  патриотизм, илһөйәрлек темаларын төплө итеп асҡан, эҙмә-эҙлекле, фекерле ғилми эш әҙерләгән, З.Биишева ис. 140-сы Башҡорт гимназияһының 1В класы укыусыһы Эмиль Зәкиев һәм «Зәйнәб Биишева әҫәрҙәренән йәнләндерелгән сәхнә» номинацияһында ошо уҡ гимназияның «Алтын йомортҡа» әкиәтен сәхнәләштереүсе бәләкәй артистар (3-4 класс уҡыусылары) лайыҡ булды.

Тура һүҙле, оло йөрәкле яҙыусы тормошто яратып ижад итә. Инде нисәмә быуын яҙыусының әҫәрҙәрен яратып уҡый. Һәр быуынға ла әйтер һүҙе, еткерер тос фекере булған ил инәһенең. Илен яратҡан, иле данлаған бөйөк Ил инәһенең!

МАОУ «Башкирская гимназия №140 им. З.Биишевой» Гульназ Ишемгулова #Тамыр Министерство образования и науки РБ

https://vk.com/tamir_telekanal төркөмө