1 апрелдә республикала беренсе класҡа ғаризалар ҡабул ителә башлай

1 апрелдә Башҡортостанда беренсе класҡа ғаризалар ҡабул итеү башлана. Был хаҡта республиканың мәғариф министры Айбулат Хажин хәбәр итте.

«1 апрелдән мәктәпкә беркетелгән биләмәлә йәшәгән (йәғни йәшәгән урын буйынса) балаларҙың ата-әсәләре беренсе класҡа ғариза яҙырға мөмкин. Башҡалар 6 июлдән алып мәктәптә буш урындар бөткәнсе ошондай хоҡуҡҡа эйә, ләкин ағымдағы йылдың 5 сентябренән дә һуңға ҡалмаҫҡа кәрәк», — тип яҙҙы министр үҙенең телеграм-каналында.

Ғаризаны Дәүләт хеҙмәттәре порталы, «Башҡортостан Республикаһы мәктәптәрен электрон комплектлау» мәғлүмәт системаһы аша, заказлы хат менән йәки мәктәпкә килеп тапшырырға була, тип иҫкә төшөрҙө Айбулат Хажин.

https://www.bashinform.ru/news/social/2023-03-14/1-aprelya-v-bashkirii-startuet-priem-zayavleniy-na-zachislenie-v-1-klass-3176647

Рәзил Бикбулатов фотоһы