Өфөлә “Үргә ос!” форумы башланды

Өфөлә бишенсе  тапҡыр “Үргә ос!” мәғариф форумы үтә. Әлеге ваҡытта «Торатау» конгресс-холында ете  майҙансыҡта һәләтле балаларға һәм йәштәргә ярҙам итеү мәсьәләләрен, уҡытыусыларҙы аттестациялау системаһындағы үҙгәрештәрҙе, яңы белем биреү программаларын һәм мәктәпкәсә белем биреү өлкәһендә идара итеү хаҡында фекер алышыу майҙансыҡтары эшләй.

 Иртәгә 7 апрелдә, педагогик белем биреү, маҡсатлы уҡытыу, инклюзив белем биреү темаларына, тәрбиә системаһына арналған тағы ла биш фекер алышыу майҙансығы ойошторола. Шулай уҡ балалар һәм йәштәрҙең  «Беренселәр командаһы» ижтимағи-дәүләт хәрәкәтен ойоштороу өсөн муниципаль координаторҙарын уҡытыу буйынса стратегик сессия буласаҡ.