Тәмлекәс

Бешкән бәрәңгене ҡайнар килеш төйәбеҙ, сырҙы эре ыуғыстан ыуабыҙ һәм һыуһыл булһын өсөн, аҡ май ҡушабыҙ. Кәрәк тиклем тоҙ өҫтәйбеҙ.

Бәрәңге менән икеһен болғатабыҙ. Иҙмәне тигеҙ 4-5 өлөшкә бүлеп түңәрәкләп әҙерләп ҡуябыҙ.

 Һауытҡа кефир, семтем тоҙ, сода ҡушып, барыһын бергә болғатабыҙ, он өҫтәп, ҡамыр баҫабыҙ. Ҡамырҙы шулай уҡ 4-5 тигеҙ өлөшкә бүләбеҙ.

Әлеге киҫәктәрҙе йәйеп, уртаһына эслекте һалабыҙ һәм ҡамырҙың баш – баштарын семетеп, эслекте ҡамыр эсендә ҡалдырыр өсөн, бешкән ваҡытта асылмаҫлыҡ итеп, бик яҡшылап йыйнайбыҙ. Шунан уҡлау менән булдыра алған ҡәҙәр йоҡа итеп ҡамырҙы тигеҙләйбеҙ, йәйәбеҙ.

🔸 Ҡоро, ҡыҙған табала йәймәне ике яғынан бешереп алабыҙ. Эретелгән аҡ май менән майлап табынға ҡуябыҙ.