+24 °С
Ямғыр
Яңылыҡтар
1 Июнь 2023, 10:28
Өсөнсө "Арт-Ҡоролтай. Балалар" мәҙәни форумы гөрләй
Сарала Башҡортостандың иң һәләтле һәм талантлы балалары, төрлө конкурстарҙа һәм ижади проекттарҙа еңеүселәр һәм лауреаттар, шулай уҡ мәҙәниәт өлкәһе мәғариф учреждениелары етәкселәре һәм төп педагогтары ҡатнаша. Форумда ҡатнашыусыларҙың бөтә категориялары өсөн киңәйтелгән белем биреү, аң-белем таратыу һәм күңел асыу программаһы, интерактив майҙансыҡтар, урта һөнәри һәм юғары белем биреү учреждениелары күргәҙмәләре, балалар һәм өлкәндәр өсөн тематик ижади зоналар, шулай уҡ проекттар менән таныштырыу ҡаралған.
Өсөнсө "Арт-Ҡоролтай. Балалар" мәҙәни форумы гөрләй
Шулай уҡ «Башҡортостан - Евразия йөрәге» икенсе ижади проекттар конкурсы еңеүселәрен бүләкләйәсәктәр.
Республика халыҡ ижады үҙәгенең «Күңел күҙе» инклюзив халыҡ театры, Башҡортостан Республикаһы атҡаҙанған коллективының Михаил Бартеневтың «Бишкә тиклем һанайым» спектакле лә күрһәтеләсәк.
Проект Башҡортостан Республикаһында «АРТ-Ҡоролтай» форумы хәрәкәтенең бер өлөшө булып тора һәм һәләтле балаларға ярҙам итеүгә, уларҙы үҫтереүгә, киләсәктә һөнәр һайлай алырлыҡ һәләттәрен тормошҡа ашырыу өсөн мөмкинлектәрҙе киңәйтеүгә йүнәлтелгән.
Өсөнсө "Арт-Ҡоролтай. Балалар" мәҙәни форумы гөрләй
