10 июндә Хәйбулла районы Аҡъяр ауылының «Уңыш» стадионында, һабантуй ваҡытында, «Ҡорот байрамы» этно-фестивале ойошторола. Райондың һәр ауыл биләмәһе башҡорттарҙың боронғо ризыҡтарының береһе булған ҡорот күргәҙмәһен әҙерләй.
Фестивалдең иң сағыу мәле — иң ҙур ҡорот әҙерләү буйынса Рәсәй рекордын ҡуйыу. Рекордты теркәү өсөн Рәсәйҙең рекордтар Китабы эксперты килә.