"Балаларға сәләмәт тормош хаҡында" исемле майҙансыҡта уйын рәүешендә кескәйҙәргә сәләмәт тормош серҙәрен төшөндөрәләр. Төрлө ҡаршылыҡтарҙы еңеү, күнекмәләр эшләү аша психомоториканы сыныҡтырһалар, ошонда уҡ эске ағзалары тураһында ла күрһәтеп һөйләйҙәр. Бында балалар хатта үҙаллы медицина анализдары бирергә лә өйрәнә.
"Регина доктор" ойошмаһы дөрөҫ туҡланыу буйынса кәңәштәр бирә. Тәүҙә бала үҙаллы рәүештә уйынсыҡ ашамлыҡтар ярҙамында иртәле-кисле ниндәй ризыҡтар ашауын күрһәтә, унан сығып белгестәр уның ата-әсәһенә консультация уҙғара.