+24 °С
Ямғыр
Яңылыҡтар
20 Июнь 2023, 08:56
Башҡорт халыҡ уйыны
Айыу-бүре юҡ икән Әҙерлек: Был уйын кесе йәштәге балалар араһында ныҡ таралған. Балалар үҙҙәренең араһынан берәүҙе “айыу” итеп һайлайҙар. Уға бәләкәй түңәрәк – “өң” һыҙыла. “Өң”дән 20 метр самаһы алыҫлыҡта ҙур түңәрәк була. Уныһы балаларҙың “өй”ө тип иҫәпләнә.
Башҡорт халыҡ уйыны
Уйындың аңлатмаһы: Балалар “өй”ҙән сығыр, бергәләшеп “айыу” торған яҡҡа еләк йыйырға киткән булалар. Был ваҡытта “айыу” боҫҡан булып ҡылана. Балалар еләк йыйғанда күмәкләп йырлайҙар:
Еләк йыям, ҡаҡ ҡоям
Әсәйемә бүләккә.
Бында еләк күп икән,
Айыу-бүре юҡ икән.
Шул ваҡытта “айыу” йүгереп сығып, балаларҙы баҫтыра, ҡыуа башлай. Балалар, унан ҡасып, үҙ “өй”ҙәре янына йүгерә. Тотолған бала “айыу” була. Уйын яңынан башлана.
Башҡорт халыҡ уйыны
