Көләмәстәр

Шерлок Холмс – Ватсонға:

– Беләһеңме, Ватсон, рәссамдарға бумала эшләр өсөн йыл һайын  меңәрләгән тейен кәрәк икән!

Ватсон:

– Ғәжәп хәлдәр, Холмс! Беҙҙең заманда йәнлектәрҙе нимә геенә эшләргә өйрәтмәйҙәр...

***

– Мине әсәйем кәбеҫтә  араһынан тапҡан!

– Ә мине ҡауҙы килтергән!

– Ә мине интернеттан сығарып алғандар...

***

Уйлау, баҡтиһәң, ауырҙарҙан-ауыр эш икән!.. Бына ни өсөн күпселек кеше уның менән шөғөлләнмәҫкә тырыша!...

***

Цирк директорына шылтырау:

– Але! Һеҙгә һөйләшә белгән ат кәрәкмәйме?

– Шаярмағыҙ әле!...

– Бер аҙҙан тағы шылтырау:

– Але! Һеҙгә ысынлап та һөйләшә белгән ат кәрәкмәйме?

– Алйот! Ҡотормағыҙ, тинем түгелме?

– Үҙең алйот! Әллә миңә тояҡ менән номер йыйыуы еңел тиһеңме?

***

Автобус туҡталыштан ҡуҙғалып китә.

Артынан бер ҡатын йүгереп килә:

– Туҡтағыҙ! Көтөп тороғоҙ! Мин эшемә һуңлайым бит!

Пассажирҙар һорауы буйынса водитель туҡтай,  ишекте аса.

– Йәгеҙ әле, тиҙ генә билеттарығыҙҙы күрһәтергә әҙерләгеҙ! – ти ҡатын.

***

– Атай, мин “Мерседес” машинаһы хаҡында хыялланам, -ти улы.

– Әй, улым, һинең әле бар ғүмерең алда – хыялланмаған нәмәң ҡалмаҫ, борсолма, -тип йыуата атаһы.

***

Бер малай диванда футбол ҡарап ята.

Көн эҫе.

– Әсәй, берәй сүмес һыу алып кил әле! – тип ҡысҡыра ул ятҡан килеш.

– Хәҙер ҡайыш алам! – тип ҡысҡыра әсәһе кухнянан.

– Ҡайыш алғанда, һыу ҙа алырға онотма әле! – тип яуаплай малай.

***

– Телевизорҙан, ике кеше ТУ-154 самолетын урлаған, тип хәбәр иткәйнеләр. Кисә аэропортҡа барғайныҡ, ул самолетты күрҙем: иҫ киткес ҙур бит, уны нисек итеп урламаҡ кәрәк? – тип ғәжәпләнә бер ҡыҙыҡай.

– Иҫәр, – ти уға әхирәте. – Һуң уны бит күккә менгәс урлайҙар! Ҡара әле, күктә улар ниндәйбәләкәй генә булып ҡала!

***

Ҡараҡ өй ишеген асып керә лә, залға үтеп, шкафта соҡсонорға тотона. Тәҙрә төбөндә ултырған ситлектән уны тутыйғош күҙәтә.

– Ә Кеша барыһын да күреп тора! – тип ҡысҡыра ул әҙерәк ултырғас. Ҡараҡ ситлекте сепрәк менән ябып ҡуя ла,  соҡсоноуын дауам итә.

– Алйот! – тип ҡысҡыра тутыйғош.

– Кеша ул – ишек төбөндә ятҡан овчарка!