+24 °С
Дождь
Яңылыҡтар
25 Июня 2023, 04:55
9-cы синыфтан мәктәптән китеүселәр арта, СӘБӘБЕ НИҘӘ?
Наҙгөл Аҫылбәкова, Рәсәй Федерацияһы Хөкүмәте ҡарамағындағы Финанс университетының Өфө филиалы колледжы студенты: – Мин, “БДИ-ны бирә алмаҫмын”, тип, ҡурҡып, 9-сы синыфтан һуң мәктәптән киттем, сөнки йылдан-йыл мәғариф системаһы ҡатмарлаша, ә балаларҙа стрессҡа ҡаршы тороусы һәләт кәмей. Һин ниндәй билдәгә уҡыуыңа ҡарамаҫтан, имтихандарға әҙерлек бар ваҡытыңды аласаҡ. Хатта, өҫтәүенә, ныҡлы әҙерлекле уҡыусылар ҙа, борсолоп китеп, имтихан ваҡытында хата ебәреп, әҙ балл алып ҡуя. Мин 9-сы синыфтан китеүемә бер ҙә үкенмәйем, сөнки физик һәм мораль яҡтан сәләмәтлегем ниндәйҙер билдәләргә ҡарағанда мөһимерәк.
9-cы синыфтан мәктәптән китеүселәр арта, СӘБӘБЕ НИҘӘ?
Наҙгөл
Вәлиева, Стәрлетамаҡ медицина
колледжы
студенты:
– 9-сы синыфтан китеүсе уҡыусылар һаны артыуын бер ҙә хуп күрмәйем. Сөнки уларҙың күбеһе, имтихан бирә алмайым тип, йәки ата-әсәһе, уҡытыусылары баҫымы аҫтында китергә мәжбүр була. Һәм әле барыбер йәш, хатта әле бала-саға ғына булыуы сәбәпле, артабан бәғзеләре үҙ юлын таба алмай. Мин үҙем, 11-се синыфты уҡып бөтөп, ҡайҙа барырымды, киләсәктә кем булырымды алдан ныҡлап уйлап ҡына уҡыу йортон һайланым.
Эльвира
Ҡунафина,
Нияз Мәжитов исемендәге Красноусол башҡорт гимназия-интернатының башҡорт теле уҡытыусыһы:
Хәҙерге заманда 9-сы синыф уҡыусылары ла һәр бер аҙымын уйлап баҫа, киләсәген ҡайғыртып йәшәй белә. Улар ҙа тормош асылын аңлай, заман менән бергә атлай. Ата-әсәһенән матур тәрбиә алһа, ата-әсәһе менән кәңәшләшеп йәшәһә, шул бала тормошта ла һәр ваҡыт уңышлы була.
9-сынан һуң колледждарға китеүсе уҡыусылар һаны, ысынлап та, йылдан-йыл арта. Сөнки, беренсенән, улар 11-ҙәге берҙәм дәүләт имтихандарынан ҡурҡа. Икенсенән, күп егеттәр, урта һөнәри уҡыу йорттарын тамамлап, тиҙерәк эш башлап, үҙаллы йәшәргә ынтыла, ә теләгәндәр һуңынан юғары уҡыу йортона ситтән тороп уҡырға ла керә ала.
9-cы синыфтан мәктәптән китеүселәр арта, СӘБӘБЕ НИҘӘ?
