+24 °С
Ямғыр
Яңылыҡтар
28 Июнь 2023, 04:10
Ниндәй һөнәргә уҡырға?!
Сығарылыш уҡыусылары, киләсәккә һөнәр һайлап, баш ватҡан осор килеп етте. Күптәрҙе борсоған һорау: “Ниндәй һөнәргә уҡырға?” Ил бөгөн ниндәй белгестәргә мохтажлыҡ кисерә? Ғөмүмән, модалы һөнәр артынан ҡыуырға кәрәкме? 10-15 йылдан нимә актуаль буласаҡ? Бөгөн компьютер менән бәйле һөнәрҙәр заманса, бик кәрәкле тип һанала. Шулай уҡ математика, биология, информатика фәндәренә ҡағылышлы һөнәрҙәргә эйә белгестәр күп талап ителә. Заман һөнәрҙәренә уҡырға мөмкинлек булмаған осраҡта, ошондайыраҡ ябай һөнәр белгестәре лә эшһеҙ ҡалмаҫ: штукатур, маляр, бетонсы, арматурсы, балта оҫтаһы, шәфҡәт туташы, иретеп йәбештереүсе (сварщик). Киләсәктең топ 5 һөнәре:
Ниндәй һөнәргә уҡырға?!
Сити-фермер – ҙур ҡалаларҙың күп ҡатлы йорттары стеналарында һәм ҡыйыҡтарында ауыл хужалығы аҙыҡтарын үҫтереү.
Космогеолог – Ай һәм астероидтарҙа файҙалы ҡаҙылма байлыҡтарын эҙләү һәм табыу.
Виртуаль архитектор – виртуаль ысынбарлыҡта уҡыу, эшләү һәм ял итеү мәсьәләләрен булдырыу.
3D –төҙөүсе – биналарҙы 3D-баҫма ысулы менән төҙөү процесын проектлау һәм хеҙмәтләндереү.
Интелектуаль милекте баһалаусы – материаль булмаған активтарҙың хаҡтарын билдәләү: идеялар, бизнес-моделдәр, уйлап табыуҙар, социаль технологиялар.
Ниндәй һөнәргә уҡырға?!
