+24 °С
Ямғыр
Яңылыҡтар
17 Июль 2023, 11:47
Яңы дуҫым.
Минең йәйге каникулым ауылда олатай - өләсәйемдә үтә. Унда шууул тиклем рәхәәәт . Иртәнсәк, өләсәйем, мин торғансы күп итеп ҡоймаҡ бешереп ҡуя... Тәмле сәйҙән һуң урамға олатайға ярҙам итергә, йәки велосипедта йөрөргә сығам. Йорт хайуандарын, ҡоштарҙы ҡарарға булышам.Бына күптән түгел Рокки ҡушаматлы тағын бер ҡойроҡло, аҡ ҡына, йомшаҡ ҡына, иркә дуҫым барлыҡҡа килде. Аҡ ҡына һарыҡтың ике бәрәсе донъяға килде. Бер бәрәс әсәһе эргәһенән китмәй, ә Рокки бигерәк илгәҙәк булып сыҡты. Әсәһенә лә иркәләнеп ала, минең яндан да китмәй. (дауамы сайтта)
Яңы дуҫым.
Беҙ уның менән шул тиклем дуҫлашып алдыҡ, хатта минең арттан ҡалмай көсөк һымаҡ эйәреп йөрөй башланы. Мине күреп ҡалыу менән уйнаҡлап йүгереп килеп тә етә. Яңы дуҫымды һөт һәм тәмле үлән менән һыйлайым. Ул ҡойроғон һәм ҡолаҡтарын һелкетеп- һелкетеп, шатланып ҡулдарымдан ашай. Ашап бөттөм тигәндә әйтерһең лә рәхмәт әйткән һымаҡ ҡырым да һикергәләп әйләнеп ала. Шундай бәләкәй һәм илгәҙәк ул минең ҡойроҡло дуҫым!
Ауырғазы районы Рәшит Назаров исемендәге Талбазы башҡорт гимназияһының 2-се синыф уҡыусыһы Рәхимов Таһир
Яңы дуҫым.
