+24 °С
Ямғыр
Яңылыҡтар
19 Июль 2023, 06:10
19 июль – ҡурай еләгенән бәлеш көнө.
Был ғәҙәти булмаған байрам Рәсәйҙә 2015 йылда барлыҡҡа килгән. Байрамда үҙеңдең һәм яҡындарыңдың кәйефен күтәреү һәм тәмлекәс менән һыйланыу күҙалланған. Шуға күрә әйҙәгеҙ әле бергәләшеп төшкө ашҡа бәлеш бешереп алайыҡ дуҫтар!
19 июль – ҡурай еләгенән бәлеш көнө.
Ҡамырға: 2 стакан он, ярты стакан шәкәр, 150 грамм аҡ май, ярты стакан ҡаймаҡ, 1 балғалаҡ ҡамыр күперткес.
Эслеккә: 350 грамм ҡурай еләге (туңдырылған булһа ла ярай), 1 стакан шәкәр, 1 йомортҡа,1 стакан ҡаймаҡ, 2 ҡалаҡ он.
Ҡаймаҡ, шәкәр, иретелгән аҡ майҙы бергә ҡушып болғатабыҙ ҙа он, күперткес өҫтәп ҡамыр баҫабыҙ. Йәйәбеҙ, шунан ситенән күтәрелеп торорлоҡ итеп (эслеге ағып китмәһен өсөн) табаға урынлаштырабыҙ.
Ҡамырҙың өҫтөнә ҡурай еләктәрен теҙеп сығабыҙ (туңып ирегән булһа, һыуын түгәбеҙ).
Йомортҡаға шәкәр, он, ҡаймаҡ ҡушып, тиҙ-тиҙ хәрәкәттәр менән төйөрҙәре бөткәнсе туғыйбыҙ. Ошо шыйыҡсаны ҡурай еләге өҫтөнә ҡоябыҙ.
180 градус эҫелектәге мейестә 50 минут самаһы бешерәбеҙ. Бәлеште һыуынғас ҡына теләбеҙ.
