16 йәшлек спортсы Илья Кандалин грек-рим көрәше буйынса донъя беренселегендә еңеү яуланы

Башҡортостандан 16 йәшлек спортсы Илья Кандалин грек-рим көрәше буйынса донъя беренселегенда чемпион исемен алды. 17 йәшкә тиклемге спортсылар араһындағы ярыштар кисә Истанбул ҡалаһында уҙҙы.

Финал алышында Октябрьскийҙың көрәш мәктәбе тәрбиәләнеүсеһе Әрмәнстан спортсыһы Артур Броянды 9:0 иҫәбе менән еңде. 

Хәтерегеҙгә төшөрәбеҙ, «Башинформ» Илья Кандалиндың грек-рим көрәше буйынса Европа беренселегендә лә еңеүе хаҡында хәбәр иткәйне. 16 йәшлек яҡташыбыҙ – Рәсәй беренселегендә өс тапҡыр еңеүсе, Европа беренселегендә бронза һәм алтын призер. Хәҙер спортсы донъя кимәлендә лә еңеү яулауға өлгәште.

https://www.bashinform.ru/news/sport/2023-08-03/15-letniy-sportsmen-iz-bashkirii-ilya-kandalin-vyigral-pervenstvo-mira-po-greko-rimskoy-borbe-3371093

Автор:Ләйсән Закирова