Сумоистарҙы Башҡортостанда әҙерләйҙәр

Башҡортостанда Сумо федерацияһы ойошторолдо. Башҡортостан Республикаһының Сумо федерацияһы президенты итеп Руслан Зарипов тәғәйенләнде. Ошо көндәрҙә ул Мәскәүҙә Рәсәйҙең Сумо федерацияһы президенты Роман Илиев һәмәлеге ойошманың беренсе вице-президенты Геннадий Калеткин менән осрашты. Улар Башҡортостанда япон көрәшен, ә хәҙер инде донъялағы мауыҡтырғыс, көслө һәм популяр спорт төрөн — сумоны үҫтереү мәсьәләләрен тикшерҙе.

«Башҡортостанда сумо яратыусылар бик күп, уны ойоштороу һәм яңы кимәлгә сығарыу, үҫтереү өсөн көс һалырға кәрәк. Республикабыҙҙа Сумо федерацияһын асыуҙың төп маҡсаты — балаларыбыҙ өсөн спорт төрҙәрен һайлау даирәһен киңәйтеү», — тине «Башинформ» агентлығына Руслан Зарипов.

https://www.bashinform.ru/news/sport/2023-08-28/v-bashkirii-sozdana-federatsiya-sumo-3409466