Ҡатнашыусылар «Йәшерәм яулыҡ», «Сылбыр», «Тирмә», «Наза», «Арҡан тартыш» һәм башҡа халыҡ уйындарына ҡатнашты. Шуларҙың береһе - «Биш таш», унда таштар менән етеҙ идара итергә кәрәк ине.
«Был уйында беҙҙең бер юлы ике мейе ярымшары эшләй, шуға күрә ул өлкәндәр өсөн дә, балалар өсөн дә яраҡлы. Фестивалдә йолаларыбыҙҙы уйындар аша күрһәтергә теләйбеҙ, сөнки улар кешелә көс, сыҙамлыҡ һәм етеҙлек тәрбиәләй», - тип һөйләне «Атайсал» мәҙәни үҙәгенең художество етәксеһе Зилә Лира.