+24 °С
Ямғыр
Яңылыҡтар
6 Октябрь 2023, 07:21
Иғтибар! Һауа температураһы түбәнәйә
Башҡортостанда ял көндәрендә һалҡын булыуы көтөлә, тип хәбәр итә Башгидромет.
Иғтибар! Һауа температураһы түбәнәйә
Башҡортостанда ял көндәрендә һалҡын булыуы көтөлә, тип хәбәр итә Башгидромет. Бөгөн, 6 октябрҙә, һауа температураһы һиҙелерлек түбәнәйә. Урыны менән ҡыҫҡа ваҡытлы ямғыр яуыуы ихтимал. Ел көньяҡ-көнбайыштан, көньяҡтан талғын. Көндөҙ +5, +10 градус булыуы көтөлә.
Шәмбе, 7 октябрҙә, йәнә бер аҙ ямғыр яуа. Ел көньяҡ-көнбайыштан, көнбайыштан талғын, урыны менән көсәйеүсән. Төндә +3, +8 градус, көндөҙ һауа +10, +15 градусҡаса йылына.
8 октябрҙә лә ямғыр көтөлә. Ел көньяҡ-көнбайыштан талғын, урыны менән көсәйеүсән. Төндә +1, +6 градус булһа, көндөҙ һауа температураһы +5, +10 градусҡа тиклем күтәрелә.
