Нияз Мәжитовтың 90 йыллығына арналған берҙәм класс сәғәт- хәтер дәресе үтте

9 октябрҙә Назар Нәжми исемендәге Дүртөйлә башҡорт гимназияһында Нияз Абдулхаҡ улы Мәжитовтың 90 йыллығына арналған берҙәм класс сәғәт- хәтер дәресе үтте.

Башҡортостан һәм Рәсәй тарихсыһы, ғалим - археолог, Башҡортостан Республикаһы Фәндәр академияһы академигы, Башҡортостан Республикаһы Фәндәр академияһы вице-президенты (2006-2012), Башҡорт дәүләт университеты профессоры, Салауат Юлаев ордены кавалеры.

Уҡыусылар Көньяҡ Уралдың урта быуат археологик ҡомартҡыларын асҡан һәм тикшергән күренекле ғалимдың биографияһы менән танышты. Мәжитов Н.А. арымай-талмай эшләгән ғалим ғына түгел, ә йәмәғәт эшмәкәре лә. 1995 - 2002 йылдарҙа Бөтә донъя башҡорттары ҡоролтайын, 2000 - 2015 йылдарҙа Башҡортостан халыҡтары ассамблеяһын етәкләй, 2003 - 2005 йылдарҙа Башҡортостан Республикаһы Президенты ҡарамағындағы Йәмәғәт советы ағзаһы була.

https://vk.com/public179335723 төркөмөнән